近年黎，廉航崛起，機票優惠五花八門，如果能夠好好掌握買機票既技巧
把握到買平機票既優惠，可以為旅程慳返唔少！
機票優惠情報成日見到，但關於買機票既攻略，好似少d見到
有見及此，就等Flylum分享下有關既技巧，希望幫到大家搵到平靚正既機票！
【機票攻略】第一回 – 買機票前你不能不知既根基知識！
平時買野，你想買得平，就要去格價！
買機票都一樣，都要去格價！
買機票想格價，首先有樣野你必需要知道，就係…
究竟邊間航空公司有飛你要去既目的地！
當你知道邊間航空公司有飛，你就可以透過航空公司官網或者訂票網去格價
當你知道邊間航空公司有飛，你就會分到邊間公司既優惠真係關你事！
以下落黎，Flylum製作左幾張圖俾大家參考下 (由於線路太多，主要會先集中較受歡迎既亞洲地區)
地方後面括住既三個英文字係機場代碼，係想方便大家搵機票果陣易d去search既
*香港飛東京主要會飛去兩個機場，成田機場(NRT)，羽田機場(HND)
舉個例子，假設你計劃去沖繩旅行，你睇返上面張圖，就會發現…
香港直航飛沖繩有三間航空公司，分別係：樂桃航空、香港航空同埋港龍航空
咁即係比較價錢都係睇呢三間航空公司
如果見到d網站寫Jetstar Japan黎緊做優惠關唔關你事？飛沖繩既話，就唔關你事喇！
第一回關於機票既攻略就係咁簡單喇！最緊要，有左個概念先～
之後Flylum將會有更加多既技巧同大家分享，密切留意 🙂
