機票攻略第二回，同大家分享左買機票時知左會更加好既技巧
等你買廉航機票果陣可以買得快d，但只係屬於基礎既資訊。
而呢一回機票攻略，將會分享下搶廉航機票既必殺技，會有更多心得分享！
【機票攻略】第三回 – 廉航搶飛必殺技！
廉航優惠一浪接一浪，幾百蚊就買張香港飛日本/韓國等地既來回機票，不再是夢
不過，究竟搶飛有冇d咩必殺技？等Flylum係呢一回分享下幾招俾大家：
- 平飛絕非天天有
- 平飛會變得愈平
- 優惠期間，平飛通常賣完就唔會有
- 善用唔同渠道搵平飛
- 「人棄我取」時段
- 最後Flylum送你一絕招
平飛絕非天天有
係買廉航機票前，有d野你必需要明白：平野都會有好既，但並唔係咁易俾你遇到
因為幾蚊機票果d，絕對無可能日日出發都有平，好多時候，要價錢平，少少犧牲在所難免！
要平，靚航班時間難、旺季日子出發更加係難上難
以黎緊聖誕節為例，唔同廉航既票價係未做優惠既時候都會比其他日子貴
所以，基本上旺季日子出發的話，愈早買多數會愈抵，優惠點平，都唔太會平呢d日子！
*另外，通常係優惠入面，距離出發日子愈遠既飛，就愈大機會多d有平
平飛會變得愈平
好多時廉航做優惠，會係指定時間開賣，其實如果你有心搵平飛，不妨早少少上去官網睇睇心儀月份既價錢
因為，未做優惠果陣，票價較低既飛極有可能係開賣果陣最平既飛！
所以，同朋友研究買廉航既時候，可以mark定幾個有可能做優惠而又能夠配合你地假期既日子
優惠期間，平飛通常賣完就唔會有
開賣既時候，好老土一句，真係最緊要快
因為平飛，先到先得；諗多兩諗既話，就隨時俾人搶晒！
優惠寫就話寫開賣幾日，但其實熱門航線最平既飛開賣打後幾個鐘內都會俾人搶得七七八八
*不過HKexpress近呢幾次優惠成日會突然放平飛 (18/8 edited)
善用唔同渠道搵平飛
優惠開賣既時候，好多人同一時間湧入航空公司個網，server未必應付到大量既人潮
係呢個時候，除左用電腦，或者手機網站版去搶機票之外
其實可以試下用埋航空公司既App幫手搵飛！話唔定能夠殺出一條血路！
「人棄我取」時段
呢個人棄我取係指當人地放棄，我就進取！
有時由於server太繁忙，好多人根本都入唔到網站/一直都未能成功完成交易
好多時凌晨先開賣既優惠，礙於普遍人第二朝要返工返學既緣故
去到凌晨2,3點打後既時候就會有一部份人放棄訂飛
所以呢d時候有可能出現到執雞既情況，有d交易唔成功既平飛突然出現返都會有可能！
當然，每一次搶飛都有唔同情況，買唔買到平機票？其實努力完就真係睇緣份喇！
*不過，如果你見個server係開賣過程其實都算順，但你要既日子價錢已經貴左，咁就可能真係你慢左平飛已經俾人搶左
最後Flylum送你一絕招
如果有試過訂廉航機票既你，或者會遇過以下情況
想開多個頁面去搵下唔同日子有冇平，但就會俾網站阻止
其實係有方法可以避過佢架！！方法如下：
使用Google Chrome瀏覽器，係瀏覽器右上方既「自訂及管理Google Chrome」
揀選「新增無痕式視窗」
之後係新開既無痕式視窗再上網站搵機票，咁就ok架喇！一次過睇晒兩個地方都冇問題啦！
第三回關於機票既攻略就係咁多喇！呢一回分享左幾點搶平機票既方向同技巧
但實際買唔買到，真係有好多唔同既因素，希望大家都可以順利搵到岩心水既機票！
下一回，Flylum將會分享關於行李方面既資訊，密切留意！ :)
